АНУ-ЫН ЗАХ ЗЭЭЛ: Коронавирусийн омикрон хувилбар АНУ-ын 40 гаруй мужид тархаад байгаа бөгөөд тус вирусийн тархалтын хурд маш өндөр байгаа нь хөрөнгө оруулагчдын санааг зовоосноор АНУ-ын хөрөнгийн зах зээл өнгөрсөн долоо хоногт уналттай байлаа. Тухайлбал, Dow Jones (DJIA) индекс 1.68 хувь, S&P 500 индекс 1.94 хувь, Nasdaq Composite индекс 2.95 хувь, Russel 2000 индекс 1.71 хувь, S&P MidCap 400 индекс 1.86 хувиар тус тус yнажээ.
ЕВРОПЫН ЗАХ ЗЭЭЛ: Засгийн газрууд коронавирусийн тархалттай холбоотой бодлогоо илүү чангатгаж, инфляцийн өсөлттэй тэмцэх зорилгоор мөнгөний хатуу бодлогыг хэрэгжүүлж эхэлснээр өнгөрсөн долоо хоногт Европын хөрөнгийн зах зээлийн STOXX Europe 600 индекс 0.35 хувь, Францын CAC 40 индекс 0.93 хувь, Италийн FTSE MIB индекс 0.41 хувь, Германы Xetra DAX индекс 0.59 хувиар, FTSE 100 индекс 0.30 хувиар тус тус буурсан байна. Мөн Европын бүсийн голлох бондуудын өгөөж бага зэргийн уналт үзүүллээ.
ЯПОН УЛСЫН ЗАХ ЗЭЭЛ: Өнгөрсөн долоо хоногт Японы хөрөнгийн зах зээлийн Nikkei 225 индекс 0.38 хувь, TOPIX индекс 0.46 хувиар тус тус өссөн байна. Хөрөнгө оруулагчид Японы нээлттэй эдийн засгийг дэлхийн эдийн засгийн сэргэлтэд гол хөшүүрэг болж магадгүй гэж таамаглаж байна. Иений ам.доллартой харьцах ханш бага зэрэг суларч 113.56 хүрсэн бол Японы 10 жилийн хугацаатай ЗГҮЦ-ны өгөөж 0.05 хувиас 0.04 хувь хүртэл унасан байна.
БНХАУ-ЫН ЗАХ ЗЭЭЛ: БНХАУ болон АНУ-ын хоорондын хурцадмал байдал болон КОВИД-19-ийн нөхцөл байдалтай холбогдуулан БНХАУ-ын хөрөнгийн зах зээлийн CSI 300 индекс 1.9 хувь, Shanghai Composite индекс 0.9 хувиар тус тус буурсан байна. АНУ нь БНХАУ-ын олон компаниудыг үндэсний цөөнх болох Муслимчуудыг дарангуйлж БНХАУ-ын зэвсэгт хүчинд дэмжлэг үзүүлж байна хэмээн буруутгаж тус компанид хөрөнгө оруулалт, экспортын хязгаарлалт тавив. |
Market 
