АНУ-ын Үнэт цаас, арилжааны хорооноос Даваа гарагт ил болгосон мэдүүлгээр цахилгаан автомашин үйлдвэрлэгч Теслагийн гүйцэтгэх захирал нь Твиттерийн 2.9 тэрбум долларын үнэ бүхий 9.2 хувийн хувьцаа эзэмшиж байгааг ил болгожээ. Энэхүү мэдэгдлийн дараагаар Твиттерийн хувьцаа Нью-Йоркт 27 хувиар өссөн байна.

Тэрээр мэдүүлэг ил болохоос 7 хоногийн өмнө өөрийн сошиал хаяг дээрээ сошиал медиа компани байгуулах талаар нухацтай бодож байна хэмээн мэдээлж байсан байна.

Элон Маск нь одоогоор хувьцаа худалдаж авах болсон шалтгааныхаа талаар мэдэгдэл хийгээгүй байгаа бөгөөд тэрээр өөрийн Твиттер хаяг дээрээ 80 гаруй сая дагагчидтай юм.