Торонтогийн Хөрөнгийн биржид Монголоос “Steppe Gold” компани IPO гаргаж, анхдагч зах зээлээс 25 сая канад доллар татан төвлөрүүлснээр хоёрдогч зах зээлийн арилжаагаа албан ёсоор нээлээ.

Энэ нь 6-8 жилийн дараа гаднын Хөрөнгийн биржид хийж байгаа Монголын анхны уул уурхайн IPO болж байгаа төдийгүй мөн Торонтогийн Хөрөнгийн бирж дэх энэ оны анхны уул уурхайн компанийн IPO болж байгаа ажээ. Тус компанийн зах зээлийн үнэлгээ дунджаар 80 сая канад доллартай тэнцэж байна. “Steppe Gold”-ийн хувьд Монгол дахь Алтан цагаан овоо төслийн талбай дээрээ энэ онд 20 мянган метрийн өрөмдлөг хийхээр төлөвлөж байгаа ажээ. Мөн энэ онд багтааж анхны олборлолтоо хийхээр зорьж байна. Харин Баянхонгор аймаг дахь Уудам хөндий төслийн талбайгаасаа алтны өндөр илэрц бүхий дөрвөн хэсгийг олж илрүүлсэн талаараа мэдээлсэн юм.

Эх сурвалж: Bloombergtv.mn