Pfizer, BioNTech болон Moderna компанийн гүйцэтгэх захирлуудын нийт цалин тахлын үеэр 100 сая гаруй ам.доллар байсан нь тэдний эмийн компаниудын үйлдвэрлэсэн mRNA Covid вакцины борлуулалтын амжилтыг илэрхийллээ. Ковид-19 тахлын үеэр хөрөнгө оруулагчид вакцин болон эм хөгжүүлж буй компаниудад хөрөнгө оруулах хандлагатай байсан нь дээрх 3-н эрхмүүдийн цалин нэмэгдэхэд гол нөлөөг үзүүлсэн юм.

Pfizer, BioNTech болон Moderna компаниудын үүсгэсэн mRNA вакцинууд нь тахлын үеэр олон сая хүний амийг аварч, мөн тэдгээрийг хөгжүүлж буй компаниудыг өөрчилж, хувьцаануудын үнийг өсөхөд хүргэсэн юм. Pfizer-ийн хувьцааны үнэ сүүлийн 24 сарын хугацаанд 60 хувиар өссөн бол BioNTech болон Moderna-ийн хувьцааны үнэ тус бүр 3 болон 5 дахин өссөн байна.

Pfizer компанийн захирал Albert Bourla тахлын үеэр (2020-2021) хамгийн их цалин буюу 45.3 сая ам.долларын цалин, BioNTech компанийн Ugur Sahin тахлын үеэр (2020-2021) 30.8 сая ам.долларын цалин, Moderna компанийн захирал Stéphane Bancel (2020-2021) 31.1 сая ам.долларын цалин авч нийт дүнгээр 107.2 сая ам.долларын цалин авсан байна. Moderna компанийн захирал Stéphane Bancel, BioNTech компанийн Ugur Sahin нар тус бүр 5.4 тэрбум, 7.8 тэрбум ам.долларын үнэлгээтэй компаниудын 7.8 болон 17.1 хувийг эзэмшдэг бөгөөд одоогоор ам.долларын тэрбумтнууд (paper billionaires) болоод байгаа юм.