Монголын Хөрөнгийн биржийн 1-р ангилалд бүртгэлтэй "Монос Хүнс" ХК нь 2020 оны эхний хагас жилийн санхүү, үйл ажиллагааны тайлангаа 8-р сарын 07-ны өдөр Эрүүл мэндийн шингэн хүнсний үйлдвэрийн байрандаа танилцуулсан бөгөөд тайлангийн хуралд оролцохоор ирсэн зочид үйлдвэрийн үйл ажиллагаатай танилцсанаараа онцлог үйл явдал боллоо. 

"Монос Хүнс" ХК нь 2019 онд олон нийтээс татан төвлөрүүлсэн 8.5 тэрбум төгрөгийн хөрөнгөөр олон улсын GMP стандарт хангасан, 1772 м2 талбай бүхий эрүүл мэндийн шингэн хүнсний үйлдвэрийг ашиглалтад орууллаа. Энэ оны эхний хагас жилийн байдлаар борлуултын орлого 5.4 тэрбум төгрөгт хүрсэн бол цэвэр ашиг өмнөх оны мөн үеэс 18 хувиар өсч 400 сая төгрөг болсон байна. 

Тус үйлдвэрийг шинээр ашиглалтанд оруулснаар Экос эрүүл мэндийн усны савлагааг шинэчлэн Оргилуун зөөлөн усаар төрлөө нэмснээс гадна Vitos шот савлагаатай 7 төрлийн эрүүл мэндийн бэлдмэл, 5 нэр төрлийн Craft tea шинээр үйлдвэрлэх бэлтгэл ажлыг эхлүүлээд байна. Харин хуурай хүнсний үйлдвэртээ Тугал брэндийн шахмал аарцан үрэл, Tastea брэндийн цагаан гаатай уусдаг цайг  зах зээлд нэвтрүүлсэн байна.

Тайлангийн дэлгэрэнгүйг Энд дарж үзнэ үү. 

МОНГОЛЫН ХӨРӨНГИЙН БИРЖ